• Home
  • NEW DAY MEDICINE
  • 9 (95) 2026
  • 4 -9 (95) 2026 - И.Ю. Ходжанов, Ф.М. Махсудов, Д.Р. Рахмонов - ПОЛИТРАВМАДА ЧАНОҚ ҲАЛҚАСИНИНГ БЕҚАРОР ШИКАСТЛАНИШЛАРИНИ БОСҚИЧЛИ СТАБИЛИЗАЦИЯ ҚИЛИШ: DAMAGE CONTROL ORTHOPAEDICS ТАКТИКАСИНИНГ КЛИНИК НАТИЖАЛАРИ

4 -9 (95) 2026 - И.Ю. Ходжанов, Ф.М. Махсудов, Д.Р. Рахмонов - ПОЛИТРАВМАДА ЧАНОҚ ҲАЛҚАСИНИНГ БЕҚАРОР ШИКАСТЛАНИШЛАРИНИ БОСҚИЧЛИ СТАБИЛИЗАЦИЯ ҚИЛИШ: DAMAGE CONTROL ORTHOPAEDICS ТАКТИКАСИНИНГ КЛИНИК НАТИЖАЛАРИ

ПОЛИТРАВМАДА ЧАНОҚ ҲАЛҚАСИНИНГ БЕҚАРОР ШИКАСТЛАНИШЛАРИНИ БОСҚИЧЛИ СТАБИЛИЗАЦИЯ ҚИЛИШ: DAMAGE CONTROL ORTHOPAEDICS ТАКТИКАСИНИНГ КЛИНИК НАТИЖАЛАРИ

И.Ю. Ходжанов - Республика ихтисослаштирилган травматология ва ортопедия илмий-амалий тиббиёт маркази

Ф.М. Махсудов - Республика шошилинч тиббий ёрдам илмий марказининг Навоий филиали

Д.Р. Рахмонов - Республика шошилинч тиббий ёрдам илмий марказининг Навоий филиали

Резюме

Политравмада чаноқ ҳалқасининг беқарор шикастланишлари қон йўқотиш, тўқима гипоперфузияси ва тизимли яллиғланиш-метаболик жавоб билан кечувчи юқори хавфли ҳолатлар қаторига киради. Бемор физиологик жиҳатдан тўлиқ барқарорлашмасдан бажарилган катта ҳажмли якуний остеосинтез қўшимча жарроҳлик юкламасини ошириши мумкин. Шу сабабли вақтинчалик стабилизациядан кейин якуний фиксацияга босқичма-босқич ўтишга асосланган Damage Control Orthopaedics (DCO) ёндашувининг самарадорлигини баҳолаш амалий аҳамиятга эга. Политравмали беморларда чаноқ ҳалқасининг беқарор шикастланишларини даволашда физиологик барқарорлашувга асосланган DCO тактикасининг клиник самарадорлигини эрта якуний остеосинтез билан қиёслаш, шунингдек IL-6, CRP ва лактат динамикасининг оғир тизимли асоратлар билан боғлиқлигини баҳолаш. Материаллар ва усуллар. 2020–2026 йилларда Tile B/C ёки AO/OTA 61-B/61-C туридаги беқарор чаноқ ҳалқаси шикастланишлари бўлган 252 нафар политравмали бемор маълумотлари бир марказли қиёсий когорт тадқиқотда таҳлил қилинди. 168 нафар беморда (66,7%) DCO асосида босқичли даволаш, 84 нафар беморда (33,3%) эса жароҳатдан кейинги дастлабки 24 соат ичида эрта якуний ички фиксация қўлланилди. Тактика рандомизация орқали эмас, клиник-физиологик ҳолатга мувофиқ танланган. Шикастланиш оғирлиги ISS шкаласи, чаноқ ҳалқаси шикастланиш морфологияси Tile ва AO/OTA таснифлари асосида баҳоланди. Тизимли жавобни ифодаловчи IL-6, CRP ва қон лактати қабул вақтида ҳамда кейинги босқичларда динамик ўрганилди. DCO гуруҳида якуний остеосинтез гемодинамик ва метаболик барқарорлашувга эришилгандан кейин амалга оширилди. Асосий якуний нуқталар сифатида ARDS, MODS ва шифохона леталлиги қабул қилинди. Гуруҳлараро фарқлар статистик мезонлар ёрдамида баҳоланди, бинар натижалар учун OR ва 95% ишонч оралиғи ҳисобланди. Гуруҳлар ISS бўйича қиёсланувчан эди: DCO гуруҳида 27,6±6,3, эрта якуний остеосинтез гуруҳида 26,9±6,7 балл (p=0,426). Шу билан бирга қабул вақтида DCO гуруҳида IL-6 (92,5±30,2 пг/мл), CRP (78,6±21,4 мг/л) ва лактат (4,8±1,3 ммоль/л) даражалари таққослаш гуруҳига нисбатан юқори бўлди (барчаси p<0,001). Босқичли даволаш фонида DCO гуруҳида оғир асоратлар камроқ кузатилди: ARDS — 14/168 (8,3%), MODS — 11/168 (6,5%), летал натижа — 5/168 (3,0%). Эрта якуний остеосинтез гуруҳида ушбу кўрсаткичлар мос равишда 18/84 (21,4%), 15/84 (17,9%) ва 9/84 (10,7%) ни ташкил этди. Тузатилмаган OR ARDS учун 0,33 (95% CI 0,16–0,71), MODS учун 0,32 (95% CI 0,14–0,74), летал натижа учун 0,26 (95% CI 0,08–0,79) бўлди. Политравмада беқарор чаноқ ҳалқаси шикастланишларини физиологик ҳолатга мувофиқ босқичли даволаш оғир тизимли асоратлар ва шифохона леталлиги имкониятларининг пастроқ бўлиши билан ассоциацияланди. Якуний фиксация муддатини белгилашда календар вақтдан кўра гемодинамика, тўқима перфузияси ва метаболик динамикани комплекс баҳолаш мақсадга мувофиқ.

Калит сўзлар: политравма; чаноқ ҳалқаси шикастланиши; Damage Control Orthopaedics; босқичли стабилизация; якуний остеосинтез; IL-6; C-реактив оқсил; лактат; ARDS; MODS.

First page

32

Last page

44

For citation:И.Ю. Ходжанов, Ф.М. Махсудов, Д.Р. Рахмонов - ПОЛИТРАВМАДА ЧАНОҚ ҲАЛҚАСИНИНГ БЕҚАРОР ШИКАСТЛАНИШЛАРИНИ БОСҚИЧЛИ СТАБИЛИЗАЦИЯ ҚИЛИШ: DAMAGE CONTROL ORTHOPAEDICS ТАКТИКАСИНИНГ КЛИНИК НАТИЖАЛАРИ//New Day in Medicine 9(95)2026 32-44 https://newdayworldmedicine.com/en/new_day_medicine/9-95-2026

СПИСОК ЛИТЕРАТУРА

  1. Ходжанов ИЮ, Амонов ЛА, Махсудов ФМ. Временный остеосинтез костей голени при лечении пострадавших с множественными и сочетанными травмами. Гений ортопедии. 2024;30(5):717-727. doi:10.18019/1028-4427-2024-30-5-717-727.
  2. Ходжанов ИЮ, Амонов ЛА, Махсудов ФМ, Маликов ЮР. Опыт использования аппарата Илизарова в разных его компоновках при лечении переломов костей голени в системе лечения сочетанных и множественных повреждений опорно-двигательного аппарата. Вестник экстренной медицины. 2023;16(1):30-36.
  3. Валиев ЭЮ, Муминов ШМ, Ким ДЛ, Каримов БР, Хасанов ЗР, Алимухамедов ЖЖ. Симультанная операция при тяжелой травме таза у больного с политравмой, осложненной тромбозом глубоких вен правой нижней конечности. Вестник экстренной медицины. 2024;17(1):67-75. doi:10.54185/TBEM/vol17_iss1/a10.
  4. Валиев ЭЮ, Каримов БР, Хасанов ЗР, Ганиев ОА, Норполвонов АУ. Двухэтапное лечение повреждений опорно-двигательного аппарата у больных с политравмой с использованием аппарата наружной фиксации на стержневой основе. В: Материалы научно-практической конференции травматологов и ортопедов Узбекистана; 2024 окт 26; Нукус. Нукус; 2024. с. 196-197.
  5. Валиев ЭЮ, Хасанов ЗР, Тиляков ХА. Наш подход к диагностике и хирургическому лечению больных с нестабильными переломами таза. В: Материалы научно-практической конференции травматологов и ортопедов Узбекистана; 2024 окт 26; Нукус. Нукус; 2024. с. 198-199.
  6. Гуманенко ЕК, Хромов АА, Линник СА, Супрун АЮ, Чапурин ВА, Шинкаренко ДВ, Гаврищук ЯВ, Дедов АВ, Абдельазиз МЮ. Стратегии и тактики ранней хирургической помощи пострадавшим с политравмами при переломах длинных костей: методология объективного выбора хирургической тактики (сообщение 1). Политравма. 2024;(2):33-43. doi:10.24412/1819-1495-2024-2-33-43.
  7. Гуманенко ЕК, Гаврищук ЯВ, Хромов АА, Пивоварова ЛП, Линник СА, Бесаев ГМ, Правосуд МН, Багдасарянц ВГ, Абдельазиз МЮ. Стратегии и тактики ранней травматологической помощи пострадавшим с политравмами при переломах крупных костей: современные травматологические тактики (сообщение второе). Политравма. 2025;(2):14-27. doi:10.24412/1819-1495-2025-2-14-27.
  8. Гвенетадзе ВВ, Дулаев АК, Бадалов ВИ, Самохвалов ИМ, Цед АН, Кажанов ИВ, Ганин ВН, Майоров БА. Анализ эффективности оказания хирургической помощи пострадавшим с нестабильной травмой таза, находящимся в пограничном состоянии. Политравма. 2022;(4):15-24. doi:10.24412/1819-1495-2022-4-15-24.
  9. Гвенетадзе ВВ, Дулаев АК, Цед АН, Кажанов ИВ, Майоров БА, Муштин НЕ, Шмелев АВ. Применение усовершенствованного алгоритма диагностики и лечения нестабильной травмы таза у пострадавших с политравмой. Политравма. 2024;(4):36-45. doi:10.24412/1819-1495-2024-4-36-45.
  10. Петриков СС, Иванов ПА, Заднепровский НН. Сравнение результатов остеосинтеза блокируемыми штифтами и аппаратами наружной фиксации у пациентов с повреждениями переднего отдела тазового кольца и органов живота. Политравма. 2024;(1):36-45. doi:10.24412/1819-1495-2024-1-36-45.

    file

    download